مواسم

احمد صبري

-

مواسم

ولا كنت راسم

اْبقى في الغرام

مقسوم

ونايم في العسل قايم

على فرحي ومش

معزوم

-

وشامم ريحة الوردة

وهي بتتخطف لبعيد

وسكينة عذاب باردة

جارحة الروح والوريد

وسمي الجرح على إسمي

وبيع بالحتة من جسمي

مكانش لوني ولا رسمي

اْعمل روحي مش فاهم

مواسم 

-

جريء لكن كده خايف

ومتعشم بوهم كبير

عايزحضن وشفايف

ويعيشوا معايا كتير

مواسم تيجي وتعدي

اْحلامها تبتدي وردي

ولا بيجي على اْدي

غير القاسي والقاسم

مواسم

-

وبتوزع ربيع عمرك

ولا غارق ولا عايم

ويتحكم على امرك

تتفرق على العالم

كان سوء تفاهم اْوله

سوء إختيار بيكمله

وإيه هاتقدر تعمله

معبي ياما وكاتم

مواسم