(زمن الفلوس)
دوس يازمن عليه دوس
كنت نايم كنت بحلم
كنت فى كابوس
كل الناس اتخلوا عنى
لماراحتة منى الفلوس
كنت بمشى فى الشوارع
والناس تقابلنى بضحكه
تجرى وتسلم عليه
وفى الايدين كمان تبوس
لماضاعت منى فلوسى
اتغيرت كل النفوس
اول ماباعنى باعنى صاحبى
كنت فاكره بجدصاحبى
يعنى صاحبى بكام جنيه
قولت اعاتبه طب وليه
هو عتابه هيفيد بايه
دوس يا زمن دوس
بالفلوس الكل شايلك
من عالارض بجد شيل
كله هيضحك فى وشك
حتى لو كان دمك تقيل
كله هيجملك يغشك
من وراك لا مش فى وشك
اصلك انت معاك فلوس
واللي يقولك يا بيه
والى بيقول يا باشا
والى بيمسح الازاز
والى بيقدم لك بوغاشا
والى هيسلم عليك
والى يتصور معاك
والكل ماشى يهتف
باعلى صوته وراك
هو داالى معاه فلوس
هو داالى معاه فلوس
الكل يتمسح يبوس
كنت فاكر علشان جمالى
لما دار بيا الزمان
واتكسرت واتغير حالى
راحت كل الاقنعه
من على الوشوش
يانهار ابيض يانهار ابيض
والكل كلمنى ببجاحه
شوفت فى عيونهم وقاحه
ومكر اكتر من الصراحه
الى يتمسخر ويقول وقعت
والى بعيونه بيقولى ضعت
ايوه وبعت كل حاجه بعت
بس اجمل حاجه انى لربى رجعت
عندما تتغير نفوس
اصل ده زمن الفلوس
بقلم محمود فرج