فايتني لمين
ماليش غيرك بيفهمني
ولا غيرك بيحزن لي
لو يوم تلاقي قلبي حزين
فايتني لمين
ومين ينور ف قلبي الضي
لو غاب بكرة
من عيني وقال مش جي
ومين يرسم أحلامي
في كل أذان
ومين يسعد بنات الحي
فايتني لمين
ومن غيرك هيسمعني
ويفهمني من غير ما أأقول
فهمني بس. كرهت غناي ؟
ولا نسيت دموع عيني
نسيت حبي وبكرة الجاي ؟
خلاص ماشي وفايتني ؟
خلاص هانت دموع عيني
فايت لحظة جوايا
لأجمل حب . تعا خدها
فايتها ليه
ما حزن بحزن
وإيه فاضل حنبكي عليه
خلاص قدرت تنساني
نسيت عشره بقالها سنين
فايتني لمين
ماليش في الدنيا
غير حبك فماتسبنيش
بلاش تقطع كل الود
ما بينا . ماتخسرنيش
خليني جوه إحساسك
لو مات حبك
فهمني ازاي بعدك أعيش
وازاي أصبر
سنين عمري وأنا عمري
ما دقت الحب غير وياك
فسامحني يا ضي العين
كفاية أعيش العمر
من غيرك .وقلبي حزين
فايتني لمين
يا متحكم في إحساسي
يا حب سنيني
يا واخد عقلي من راسي
يا سارق مني أحلامي
في عمري الجاي
يا نغمة في قلبي مشتاقه
يا صوت الناي
لنغمك بكتب إحساسي
ولو ناسي
قوليلي بس من بعدك
أروح على فين. فايتني لمين
فايتني لمين....
.................
بقلمي/حمدي رمضان.ابوعمرو الريشي