قصيدة / ( كعبة القلب )
بقلمى / هدى سيد
٢٠١٦/٥/٣١

قالت بحبك
والكسوف على وشها
كانت جميلةلوتشوفوا
شكلها
زاد جمالها لما قالت
ده بكسوف
وف ساعتها فتحت حضنى
حضنتها
قلبى كان يا دوب ملامس
خدها
م الخجل حسيت حرارة
ف جسمها
قلبى كان مبسوط أوى
من حبها
والكلام ضاع من لسانى
ف عشقها
للشهادة ماشفت بنت أنا
زيها
لا ف جمالها ولا ف دلالها
وحسنها
ع الخدود شامة وعلامة
تحبها
العيون تسرح تدوب ف
ضيها
وإن سألتوا إنت ليه اتشديت
لها
الإجابة بالبساطة والسلاسة
كلها
قلبى صلى وطاف ف كعبة
قلبها
لما شاورت له برسالة حبها
سلم لها