متقولش لأ

لما النهار يندهك

متقولش لأ

مد خطاوي الحلم

 دا الحلم حق 

إوعاك تخاف من  ضل جاي 

وان  جه بيتسحب على مهله

طاقة نور بتمحي الليل

يزول جهله

الدنيا قالوا الشابة

وانت خليك شباب

ليه وقتك يضيع تخبيط

 والمفتاح في الباب

تك تكتك وافتح

متخفش م التزييق

الحلم مش بيضيق

طول ما  الخطاوي ماشية له

خوف العتمة بصوت قوتك

جاي

دوس على الضلمة

اسمع منها أنين ال أي

وانسى كل ما مر

هد ما بين الحيطان 

وابني ترابها ممر

ليه ترضى بالزنازين

وانت في أصلك حر

نسيم الحلم يهل

الروح  تنتشي

توب الوصول شفتشي

إياك بقى تختشي

وتقول لي لأ

الخوف إن كان موجود

برضه الحياة

 حق

 

#عصام_فؤاد

المصدر: آسيا محمد
  • Currently 0/5 Stars.
  • 1 2 3 4 5
0 تصويتات / 16 مشاهدة
نشرت فى 27 ديسمبر 2020 بواسطة nasamat7elfouad

عدد زيارات الموقع

50,273