ممكن
اخترتي البعد
وقلتي لازم تنساني
طب ممكن طلب
واحد وحيد علشاني
هو طلب او رجاء
اعتبريه إنساني
يا ريت طيفك يبعد عني
بلاش يزورني في منامي
وزي ما قلتي إنساني
ياريت هو كمان ينساني
بلاش يعذبني ببعدك
وهو أناني
اعيش متعذب بنار حبك
ويعذبني طيفك كأني الجاني
اكيد فاكره لي حاجة حلوه
جناني حناني وردة جميلة
كانت مزروعه في بستاني
باسم الحاجات الحلوة بينا
خلي طيفك يبعد عني
بلاش يزورني تاني
خليني اقدر أنساك
اقدر اعيش وحداني
يمكن في يوم انسى حبك
يمكن في يوم القاني
