ورسمت دنيا جميلة
وكتبت حبة سطور
وفي عز الضلمة
رسمت النور
ومعالم عشق
قمر وبحور
ونجم ينور
في السما بيدور
عاشق هيمان
وبدر بدور
مالنا احنا بالواقع
ولا بالدستور
ما هو كله ها يجي
عليه الدور
وطابور بيسلمنا
لميت الف طابور
مش لاعب انا
ها ارسم بقلمي
وبالطبشور
مدينة مليانه بالحب
وبستان عمران كله زهور
بكره الظالم ها يغور
والفجر ها ييجي بالنور
لا ها يمنع فجرنا ليل مسعور
لا ديابة ولا غابة ولا سور
ولا حاكم دايما مغرور
حرة يا مصر ورغم الجور
ها تعيشي وملعون الزور
