أغنية /// زرعت فى أرض الوهم
زرعت فى أرض الوهم...
أنا حب و ود...
حصدتهم منك غدر وهم...
ودموع...
دموع...
دموع ولا كأنها مية رى...
فى عمر عيشته أنا جنب اللى خان الود...
راعيته بسهر من سواد ليلي لغاية الفجر...
وأفلح فى نهارى فيه بجهد...
خانى وباعنى هو... 
وسلم زرعى لطيور الوهم...
أما أرض الوهم...
فا كانت ياحبيبتي هى قلبك اللى عمره ماعرف الحب...
الغدر كان منك...
عيشتيني سنين فى هم...
أقابلك بدموع فرح...
وأودعك بدموع حزن...
وقولت يمكن تكون دى مية الحب...ا
للى ح تروى فى قلبك هيام ليا وغرام وعشق...
لكنك خونتى ليا الود...
اللى زرعته أنا بسهر ليل مالهوش فجر...
وأجرى أحرسك من عيونك تحسدك...
يمكن تحسي باللى فى وجدانى مزروع فى أحساسي بكل حب...
وخاينتك كانت لوعتك فيا باعتى وما أشتريتى ليا أى لحظة حب...
وسلمتى فكرى وظنونى...
للحظات يأس على شكل طيور غربان تأكل من فوق هذا الرأس...
وأكتشفت بعد مرور العمر...
أنى زرعت فى أرض الوهم...
أنا حب و ود...
حصدتهم منك غدر وهم...
ودموع...
دموع...
دموع ولا كأنها مية رى...
فى عمر عيشته أنا جنب اللى خان الود...
راعيته بسهر من سواد ليلي لغاية الفجر...
مع تحيات شاعر الوجدان الشاعر السكندرى/على الطاووس