-----ليه------

ليه واقفه قدامى

ودمعك على يسيل

ماأنا جوازى فى أيدي

أسافر من غير دليل

أقطع بلاد وبلاد

وأشوف عباد وعباد

محتاج لحضنك ياأم البلاد

محتاجك تضمينى وترمى

شعورك على كتافى وتحضنينى

أنا خيالك أنا جيل من أجيالك

أنا عشت على أرضك

ومشيت على رمالك

يا أمى ياللى علمك من 3الوان

وفى قلبهم صقر بيحمى الأوطان

الأسود حزنك على أولادك

والأبيض دا لون قلبك

والأحمر هو دمك

يا مصر أنا عاشق من عشاقك

أنا طالب القرب منك

تضمينى أحسك

تحسينى أضمك

ما أنا الفقير على أرضك

محتاج أنا رضا قلبك

يا غاليه يا ساكنه جوايا

بعشق فيكى ليلك

ونهارك ونيلك وحتى أشجارك

يا أم الدنيا أحضنى أولادك

ما أنا جواز السفر فى أيدى

أسافر أروح لفين

وأسيب ست الغالين

أسمها مكتوب فى القرأن الكريم

حفظك رب العالمين

حفظك رب العالمين

الشاعر/على فياض البلصفورى
قلب ينبض من صعيد مصر