ربنا هو منزل هذة الكلمات واضحة وصريحة ولايوجد بها اى غموض طبعا مايخفيش على حد للاسف اننا كنا لعهد قريب جدا من القوم الخانعين والمذلولين فى الارض على يد حاكم فاسد بنظامة بس الحمد لله التغير جة اشمعنى دلوقتى ولية مش مهم المهم اننا فوقنا وقمنا بس الناس كانت فاكرة اننا طالعين بنطالب بمصاصة وانة كلة هايتغير فى غمضة عين الناس فى الاول كلها متحمسة وبتدعى انما دلوقتى هنجوا وبدأ يخافوا -على اية مش عارفة - ماعلينا مايعرفوش انة الامر متطلب وقت فبدات دلوقتى الدموع على وضع مبارك وقد اية حرام الى بيجرا لة وماينفعش دة رمز من رموز مصر ........... الخ نسوا مبارك الى الجمعة الى فاتت باوامرة مات ناس من رعيتة الى هو بيحيب يطلق علينا ولادة نسوا ان الاب قتل ولادة بمنتهى برود الاعصاب حتى دموع التماسيح ماذرفهاش عليهم دة ولادة الجمعة الى فاتت مش ولادة التانين الى ماتوا فى العبارة ولا الى ماتوا فى قطار الصعيد او الى ماتوا على ايد امناء الشرطة وامن الدولة على الشوارع

نسوا ان الاب مبارك فى عهدة بناتة كان بينتهك عرضهم بامر منة شخصيا فى الطريق العام ان عدى على مصر فى عهدة 4 سنين تحرشات جماعية فى ظل غياب الامن التام - والامن يحمينا لية كفاية علية يحمى سيادتة بحاشيتة - نسى انة فى عهدة لقبنا الدولى بقى عاهرات

نسى ولادة الى من كثر مش قادرين يعيشوا كانوا بيهربوا على برة على الرغم يقينهم الكامل انهم ممكن يموتوا قبل مايوصلوا برة ، نسى ابنة الى شنق نفسة على كبرى قصر النيل لانة مش لاقى ياكل ولا قادر يعيش ، نسى الناس الى بتموت فى طوابير العيش ودموع النساء الى نشفت من كثر البكاء على دم ولادهم الى راح على ايد ابنة المفضل حبيب العادلى وكلابة 

نسيتوا دة كلة من كلمة جوفاء قالها فى خطاب وهو باصص لورقة مش طالعة من قلبة وواحد تانى كاتبة لية دة الى اثر فيكوا قوى واهوا الى انتوا بتقولوا من رموز مصر فى سبيل الحفاظ على عرشة - مش شعبة - اطلق البلطجية على العزل فى الميدان يذبحوا ويقتلوا فيهم ووزع على كل منهم قنبلة دخان هدية يرميها عليهم دة بيعمل كدة وهو رجل جوة ورجل برة امال لو سيبناة لاخر الحكم هايعمل اية ؟؟؟؟؟؟؟؟؟؟؟؟؟؟

دة الى انتوا بتلتمسوا لة العذر وبتقولوا مين ماغلطش كلنا بشر 30 سنة غلط مستمر 30 سنة دة عمر اكثر من عمر فساد واستجبار وظلم وتقولوا من رموز مصر 

شخص انتم ميقنين انة اخطأ لا والادهى بتقولوا ماكنش يعرف الى حوالية كان مضللة وانا الى يخلينى اتحكم على ايد واحد مضلل واحد بيغب نفسة بنفسة مش بيسال ولا بيشوف امور رعيتة ومسئوليتة ماشية ازاى ؟ مش عايز وجع راس ولايشارك يبقى يسيب الحكم احسن

بتقولوا اتنازل ...  اتنازل عن اية؟! دة احنا لسة عايشين فى قانون الطوارئ وقطع اتصالنا عن العالم امدة 5 ايام كاملة ويو الجمعة الى فاتت مستحيل حد كان يطمن على اهلة الىعايشين فى اسكندرية او القاهرة لا موبايل ولا حتى ارضى ولسة شايفين انة حرام طلق الحرامية من السجون يعتدوا على بيوت رعاياة ويعيثوا الفوضى فى الشوارع - بجد واضح انة بيعمل من اجل الشعب - بكل الاصلاحات الى فاتت الى عملها

انا من حقى فرز اول مش فرز ثالث لو حكمنى سلطان جائر ربنا ونبية وخلفاءة الراشدين قالى ثور علية وشيلة حتى لو كان رمز من رموز مصر