إنك تكوني زوجة وأم لطفلين "ثلاث من الذكور" يعني :-إنك تنسي الروز بدرجاته والورود والستارز .. ألخ .

- إن حياتك كلها تنحصر في تلت الوان (الكحلي،ازرق،لبني) .

- إن يكون الزي الرسمي البنطلون الجينز وأي تيشرت من فوق .

-إنك تتعلمي الكارتيه والكونغوفو عشان ولادك يقتنعوا انك تصلحي للعب معاهم

- ان صوتك يبتدي يتخن تدريجيا .

- انسي حاجة اسمها هدوم مترتبة جوا الدولاب .

-انسي اصلا ان في بيت يتروق مش الدولاب بس .

-لو اضطريتي تنزلي مشوار في يوم وتسيبهم مع بعض .. فانتي لازم تبقي مسؤلة عن فعلتك دي لانك هاتقعدي تروقي البيت بعدها اسبوعين .

- إن يكون الشلوت والبوكس شكل من أشكال الهزار العادي

- شيلي كلمة شوبنج من حياتك واستبدليها بكلمة يالا .. بسرعة .. خلصي .. مستعجلين.

- اياكي واوعاكي لو التلاتة قرورا يلعبوا مع بعض تقولي ما اشترك معاهم والعب .. هاتطلعي وانتي واخدة علقة محترمة وعضمك مكسر .

-لو فكرتي بعد الشر تعيشي يومك كأنثي طبيعة خلقها الله .. هاتلاقي كل اكسسوراتك اخدوها يلعبوا بيها والميك اب بتاعك ألوان ميه وانتي اللوحة اللي بيرسموا عليها وشعرك بقي كنافة .