موضوع منقول يهم كل فتاة مخطوبة

عايزة اقولكم نصايح من حياتي وخبرتي من فترة الخطوبة
لدلوقتي بعد سنتين خطوبة و4 سنين ونص زواج الحمد لله رب العالمين ناجح جدااااا
هاقولك كلميتين حطيهم حلقة في ودنك ...من اختك الكبيرة ..
اوعي تكوني فاكرة انك هاتعرفي خطيبك 100% في فترة الخطوبة
حتي لو طالت الفترة دي انتي لسة ماتعرفيهوش علشان لسة معاشرتهوش

فترة الخطوبة كوم والجواز كوم تاني خاااااااااااااالص


بتلاقي نفسك انتي وحبيبك في بيت واحد بتشوفي كل تصرفاتة وبتشوفي كل طباعة عن قرب
وبتتعرفي اكتر علي النص التاني المجهول من شخصيتة

الحاجات اللي انا عايزاكم تاخدو بالكم منها اوووي اية هي ..



خليكو معايا واحدة واحدة .....


####

التعود .. ( جوزك علي ما تعودية )



اوعي في اول الجواز تعودي زوجك علي حاجة وبعدين تبطلي تعمليها
اووووووعي

يعني عودتية انك تفطرية قبل الشغل يبقي كل يوم تفطرية

عودتية انك تنادية بحبيبي طول اليوم يبقي لازم تفضلي تنادية بحبيبي

عودتية تحطيلة هدومة علي السرير اما ييجي من الشغل .يبقي لااااااااازم تحطيلو الهدوم كل يوم

عودتية بحركة رومانسية منك في اي وقت مش بس في المناسبات
يعني تحطيلو ورقة فيها كلمة حلوة في جيبة
تبعتيلو رساله علي موبايلة
تجيبيلو حاجة نفسو فيها وتعمليلو مفاجأة


(خلي بالك لو عودتية علي الحاجات دي ورجعتي بطلتيها هايضايق جدا من جواة
ولو كنتي مش بتعملي الحاجات دي ومرة واحدة فجأتي وعملتيها
هاتلاقية يستغرب اوي ويقولك بسخرية اية اللي انتي عملاة دة )


...الهدوء والطاعة ..


في اول سنة جواز انصحك بالهدوء ولأن اكتر حاجة ممكن تعمل مشاكل انك تتنرفزي علية او صوتك يعلي وبكدة اي مشكلة صغيرة هاتكبر بسهولة جدااااااااا


الطاعة ..

دايما تقوليلو علي كل حاجة حاضر يا حبيبتي وتسكتي
لو طلبتي طلب وموافقش برضة من اول مرة تقولي ماشي خلاص

صدقيني والله هاتكسبي كتير
يا اما هايجيلك يقولك خلاص انا موافق
يا اما مش هايحصل عند بينكم وخناقة كبيرة وتبقي في الحالتين كسبانة رضا حبيبك



السكوت ...اكتمي بقك ههههههه

اسكتي اسكتي اسكتي
طبعا مش قصدي تسكتي علي طول ههههههههه

انا قصدي اما يحصل مشكلة او حاجة بسيطة وتتناقشو فيها

احنا الستات بنحب نتكلم كتير انا عن نفسي مش بعرف اسكت هههههههه
لاقيتية بدأ يتنرفز وطبقة صوتة عليت

اسكتي خالص وروحي مكان تاني علشان تغيري مودك وماتقفيش قدامة

علشان كل ما هاتكوني قدامة هاتتكلمو وتتناقشو والمشكلة تكبر اكتر

انا بنصحكو علشان المشاكل بينكم مش تزيد



ماتدخلش اهلك ..

اوعي تدخلي اهلك في مشاكلكم اوعيىىىىى

الحاجة الصغيرة بتكبر جدااااااااااااااااااااا

الاهل بيخافو علينا اوي وبيبصو للموضوع بشكل تاني