بدأت في الشهر السابع و الإستعدادات على قدم و ساق ...
تعبانة جدا و المشي و النوم عذاب و قعدة غلط تخليني بتالم طول اليوم
ده غير الحموضة اللي مستلماني عمال على بطالوبتسبب لي القلق كتير
إشترينا كتير و فاضل كتيرموضوع التوأم ده خراب بيوت لان من كل شيء بنشتري بالإتنين :)
لحد دلوقتي ماشتريناش السراير...
مرة ناس تقول نوم الطفل مهم جدا جانب الأم و بالتالي السراير مالهاش لازمة
وناس تانية تقول الأفضل نوم الطفل في سرير مستقل علشان ميقلقش
و إحنا محتارينحد عنده فكرة إيه الأفضل؟؟

لقيت الصور دي وهي مفيدة جدا ... يا ريت تفيد غيري كمان :)

اولا حمام الطفل

1- لازم نتأكد من تجهيز جميع إحتياجاته قبل البدء علشان منتضطرش نوقف الموضوع في النص و نجيب اللي ناقص و بالتالي هياخد بردوالإحتاجات بسيطة جدا
- كيس من القطن الناعم
- كوب من المياه الدافئة
- بانيو الإستحمام
- صابون للأطفال
- شامبو مناسب للأطفال
- إسفنجة ناعمة
- فرشة نظيفة للطفل ليوضع عليها بعد الحمام
- فوطة للوجه و أخرى كبيرة للجسم
- ملابس الطفل الكاملة

2- تأكدي إن درجة حرارة المياه من 37 ل 38 درجة مئوية بالكتير و إرتفاع المياه لا يزيد عن 8 سنتيميتر في البانيو

3- لازم تتأكدي من إنك ساندة ضهره و راسه كويس و إيدك التانية تحت المقعدة


4- إبدأي بتنضيف العينين بقطعة مبلله بالماء من القطن الناعم

5- نظفي شعره بقليل من الشامبو ثم صبي على رأسه الماء و راعي ان تكون رأسه مائلة للخلف

6- بالإسفنجة الناعمة و الصابون بعد عصرها جيدا إمسحى الوجه ثم ياقي الجسم بالترتيب

ثانيا كيفية لفه

ملحوظة هامة... البودرة و زيت الاطفال نحن نسيء إستخدامهم في مصر و مينفعش نستخدمهم عمال على بطال لأن ضررهم أكثر من منفعتهم
البودرة مثلا لا تستخدم إلا في حالة الإلتهابات الجلدية بعد الغيار
و البيبي اويل يستخدم بكمية قليلة جدا لأنه يسبب بقعا للملابس و يزيد من درجة حرارة الطفل