<!--
<!--<!--
أنا حصان و بجرى و رجلى كلام الشعر
حررت طيري وعلمته يعادى القهر
ويحن لعبير البلد والأرض والورد
ويحن لنَفَس الزهر
وشربت دموع الوطن
لحد ما نزيت وعرقت
ولفيت أماني البلد على وسطى وطرت
وسرحت في عيونه
وقلت شعري وتغزلت
والشاعر إيه لازمته
لو مش ضمير أُمته
و الا أحسن يقولوا هجرت
وبسيف بحوري
أشيل جهالة
مهما يقولوا صبأت
وحنين كلامي
يطبطب على قلوب الغلابة
اللي تحت
وزَرَعتْ الشجرة الكبيرة
في قلب قلبي وارتحت
فايق وعمري ما شربت ولا طوحت
إلا من عرق جبين البلد
هو عطري
وعزى وعزمي
مهما تتنطط حولي براغيت الست
