مش هاعتبك

مش هاعتبك 

مش هاعتبك علي الفراق ولا هسالك ليه غاوي تروح وتبعد لابعد مكان حبيبي مش هسالك ولا اعاتبك هسيبك لقلبك وحبك رد عليهم لو عندك جواب ليه دايما غاوي ليه دايما بتهوي البعد والفراق بتلعب لعبة الاشتياق بتبعد عشان اشتاقلك اكتر من زمان مش مصدق اني بحبك ولا عايز تزيد في قلبي غلاوتك بلاش تحطني في امتحان وتحط في ورقه الامتحان سوال انت عارف الاجابه من زمان بشتقلك وانت جنبي بعادك مش هيزيد شوقي وغلاوتك بلاش تلعب لعبة البعد والفراق وتحلني احتار ازاي اصدق حبك وانت قادر تعيش في حض غير حضني حضن البعد والفراق بشوف في عيونك كلام شوق ولهفه لايام زمان ايام قربك مني ولما كنت بخدك في حضني بشوف في كلامك عذابك في بعدك طيب ليه غاوي تعاند نفسك غاوي تعذبني وتعذب نفسك بلعب لعبة العذاب بتجلد نفسك بالغياب بتدفن حبك في قبر الفراق بتخلي قلبك قايد نار ناره بتوصلني وتحرقني صدقني حبيبي لعبه البعد والفراق الكل فيها خسران ممكن نخسر فيها الحب نخسر فيها الامان نخسر فيها احساسنا ان الحب اللي بينا ثابت زي الجبال ليه نحطه في اختبار ونستني نتيجة الامتحان اياك حبيبي تخلي حبي لعبه تلعبها وعايز تكون دايما كسبان ميغركش اني بحبك ودايما ليك مشتاق انا شوقي للي يحبني ويقدر حبي ويخليه علي راسه تاج انا شوقي وحبي صادق مش محتاج عليه اثبات ولا دليل واكبر دليل اني اخترتك ليا حبيب حبيبي هو انت لسه محتار والشك لسه جواك ليه سايب نفسك للحيره دا بحر مالهوش قرار عشان تنجي نفسك من الغرق لازم تقتل الشك جواك الشك والحيره ما يتفقوش مع الحب والغرام ما يتجمعوش في قلب العشاق قلب العاشق زي الارض تزرع حب تحصد الامان والعشق تزرع شك صدقني مش هتحصد غير القراق والهجر مش هاعتبك حبيبي وعذرك حبيبي اني بحبك صدقني حبيبي مش هنساك مهما طال بعدك وفي غيابك وقربك بيزيد حبك طمن قلبك وانسي لعبة البعد والفراق والعب لعبة الشوق والغرام سلمني قلبك قلبك ملكي وانت شوقي ولهفتي  \\\\\بريشه الرسام محمد العسكري \\\\\يوم الخميس \\\\\بتاريخ 24\4\2012 \\\\\الساعه 10:17am ----------------------------