بحلم

بحلم وانا صاحي بحلم اكون معاك في الحب فارس وخيال بحلم اعيش معاك الف ليله وليه وكل ليله نكتب حكايه وحدوته حكايه محدش عاشها قبلنا ولا يعشها بعدنا حكاية حبنا غرمنا وعشقنا بحلم نرقص انا وانتي والنجوم فوق في السماء علي سطح القمر فوق الكون الكل يشهد علي حبنا غرمنا وعشقنا علي قلوب عرفت طريق الحب منين علي قلبين عرفو الحب الطاهر البرئ  بحلم ارسملك دنيا في البسمه والفرحه فيها الامل في بكره بحلم وانا صاحي بحلم يا اغلي الاماني بحلم تكوني حقيقه واحقق حلم السنين بحلم اعيش جواك واهرب من دنيا انتي مش عايشه فيها تبقي دنيا غريبه دنيا ناقصه كتير دنيا ناقصه شمس تنور ليلها وظلمتها ناقصه قمر يهدي ناس التايه في طريقها ناقصه نجوم تزين السماء والكون ناقصه بحور تروي عطش كل عاشق في الهوي والحب مجنون ناقصه قلوب برئيه وطاهر تطمن كل عاشق خايف من الجروح من غيرك دنيا ناقصه كتير ناقصها احساس بالامان من غيرك يضيع زي هبة ريح انتي لقلبي امان حضن دافي من غدر الزمان انتي خليتي السعاده لقلبي عنوان لسال نفسي كتير ازاي انا كنت عايش انا كنت صوره في برواز ممن غير روح ولا كيان صوره مالهاش عنوان قبلك كنت فاكر الحب مجرد احلام نعيشها بس في المنام اتاريك في حياتي حلم وحقيقه حلم اعيشه لما اشتقلك وتوحشني ومتكونيش جنبي يا ارق حبيبه ومتخدنيش في حضنك الدافي مشمش عطر انفاسك محسش بدفا لمسة ايدك وحقيقه لما تكوني جنبي واشوف صورتك في عنيك وامسك ايدك في ايدي واطير بيك في دنيا تانيه يا اللي العمر معاك يعدي كانه ثانيه والكلمه منك لحن وغنوه اسمعها وانسي الدنيا وانسي نفسي بنسي نفسي وافتكرك ما انتي نفسي وانتي كل عمري بحلم وانا صاحي بشتقلك وانتي جنبي بشتقلك اكتر وانتي في حضني بتوه لما ابص في عنيك بشوف فيهم احلي ما في الدنيا بشوف فيهم الحب والاخلاص بشوف العطف والحنان بشوف قلبي ابيض مكتوب عليه انت حبيب العمر انت الحب والغرام

\\\\بريشة الفنان محمد العسكري \\\\يوم الثلاثاء \\\\الموافق 6\3\2012 \\\\\الساعه 6:35pm

الثلاثاء 13 ربيع الثاني 1433