موال الغرام

مسكت الناي اعزف موال الغرام بين الشجر والوديان بين الزهو وقلوب العشاق موال كتبته عشان حبيبي موال كتبته من سنسن كل حروف الموال بتفكرني بلحظة غرام مع حبيب سكن الروح والفؤاد حبيب انتظرته بعد طول الغياب موال عزفته في حبك كتبته في غرامك وعشقك ازاي كتبته متسالنيش انا لما تجي سيرتك ويهل عليا طلتك يتبدل حالي احس نفسي انسان مش عادي بلاقي نفسي بكتب كلام محاش في يوم علي بالي كلام في موال عزفته وغنيته بشوق السنين حنيني ليك خالني اعزف احلي الماواويل سمعت كتير ماواويل سمعت كلام العاشقين بس كلامي وموالي شكل تاني بغني واعزف علي الناي موالي الاقلي صدي صوتي بيغني موال تاني موال قلبي هو اللي كاتب كلامه موال قلبي بيغنيه علي اسم حبيبي موالي قبلك قبل ما اشوفك واعشقك كان موال حزين دورت فيه علي الفرح لقيته ساكن بعيد ساكن عندك حبيبي ساكن في قلبك يوم ما قربت منك وشفت الحب في عنيك وحسيت بنبض قلبك وشوفت مكاني فيه الفرح غطي علي حزن موالي والفرح سكن دنيتي انت وبس حبيبي انت موالي وغنوتي انت دنيتي اللي حلمت بيها من سنسن موالي بعدك حبيبي يونس وحدتي يمسح دمعتي يداوي جرحي جيت اغني موالي لقيت الناي حافظ موالي وعارف غنايا وبيترجاني اكتب في حبيبي موال تاني انا لو علي الماواويل في غرام حبيبي كلام كتير بس الكلام اللي جوا قلبي ما يوصفوش ولا يرسمه قلمي ولا يكفيه كلامي موالي يحكي حكايتي بس انا وحبيبي موالي يوصف حالي وشوقي وانتظاري موالي اصبر بي نفسي لما اشتاقلك حبيبي خليك دايما جنبي متسبنيش لموالي ما فيش شئ يعوضني عن وجودك جنبي اوعدني تفضل جنبي عشان احس ان لسه روحي في جسمي واني عايش اجمل حقيقه مش عايش جوا حلمي انت موال غرامي عشانك اكتب كل ماواويلي

\\\برشية الفنان محمد العسكري \\\\يوم الخميس \\\\الموافق 16\2\2012 \\\\الساعه 5:05pm