لعبة الحب

متفتكريش اني من غيرك مقدرش اعيش متفتكريش ان حياتي من بعدك شي مستحيل متفتكريش ان بعدك هحس بالندم وافضل طول عمري عايش فيه متفتكريش ولا تصدقي نفسك ولا تعيشي في كدبه من وهمك لو كنت فاكره وصدقتي نفسك افتكري اني قبلك كنت عايش سعيد وبالي خالي من التفكير في جرح قلبي من التفكير في بكره ازاي ارضيك واحايل فيك افتكري اول مره قبلتك فيها اتحايلتي عليا واترجتني اقربك مني ومن قلبي اترجتني بس افكر فيك والحب يجي لما ترضي عني حبيبي بس مكنش وعد مني احبك واقربك من قلبي بس اديتك الامل اني ممكن افكر فيك واحبك وقتها فرحتي وقولتي كفايه بس عليا تفكر فيا كفايه عليا احس بقربك وقتها قولتي مكنتش احلم اني اقابلك او بس اقول اسمك او اسمع صوتك اسمع اسمي لما تنده عليا بعد كلامك اللي قولتيه بعد حلمك اللي بيا حققتيه جايا دلوقتي تسالني بعدي هتقدر تعيش من غيري هتستحمل فراقي وبعدي انتي قربتي مني عشان تبعدي عني انتي قربتي مني فاكرني لعبه سهله بتلعبيها وقت ما تزهقي منها ترميها وتنسيها فاكراني زي اللي قبلي سهل تجرحني فاكراني زي اللي قبلي سمحوك ونسيو جرحك فاكره ان في بعدك هكون خسران انتي اللي خسرانه وانا اللي كسبان انتي اللي خسرانه وانا اللي كسبت الرهان كسبت حياتي وكنت عامل حسابي شوفت في عنيك نظرتة تحدي مش اي حد اسلمه قلبي مش اي حد احبه من قلبي من الاول كنت عارف حقيقة مشاعرك سيبتك تلعبي كنتي في ايدي زي عروسه بحركك برحتي كنت سايبك تلعبي لغاية ما اكشفك قدام نفسك احكمي علي نفسك انا راضي بحكمك ياريت تتعلمي الدرس وتبطلي تجرحي قلب حد هيجي يوم تنجرحي وتندمي قلبي طيب روحي سامحتك من قلبي يمكن تتعلمي الدرس مني \\\بريشة الفنان محمد العسكري \\\\يوم الثلاثاء \\\\\الموافق 17\1\2012 \\\\\الساعه6:33pm

--------------------------------