<!--<!--
<!--<!--
شئ مش جديد إنهم يتحكموا فينا
أو ينهبوا خيرنا أو يحتلوا أراضينا
لكن هجوم الكلاب على خير خلق الله
مأساة تهون بعدها كافة مآسينا
****
لو كلب دانماركى أوحى له غروره فى يوم
يرسم كاريكاتير مسئ للمصطفى المعصوم
فمن واجبنا نرد على الهجوم بهجوم
يرضى ضميرنا ويشفى اللى انجرح فينا
****
لا نقول سياسة ولا بروتوكول ولا اعتذارات
ولا مفاوضات ولا تَبَاحُث فى مـؤتمـرات
لكن نواجه عدو الله بكل ثبات
وربنا وقت شدتنا يقوِّينا
****
تبت يدا كل من مسك القلم ورسم
صور بذيئة مسيئة للرسول وحسم
موقف عداء الصليبيين لنا ، وأكم
أساءوا للمصطفى فى حاضرنا وماضينا
****
لكن برغم الهجوم المر شايفه مفيد
مش جايز الأمة من بعد التراخى تعيد
أمجادها وتقرب اللى كان عليها بعيد
مش جايز الكلب لما نبح يصحينا ؟!
****
ولأن إسلامنا دين العدل والإنصاف
الحق بنقوله مهما يدب بينا خلاف
وصوتنا عالى لا بنطاطى ولا بنخاف
إلا من العاطى خالقنا وبارينا
! ****
(برنارد شو) قال و(مايكل هارت) أكِّدْهَا
الإنسانية مُحَمّد هو سَيِّدها
واللى قالوه كان شهادة حق بنعيدها
شـهادة من أهـلهم مش مـن أهـالينا
****
عَظَمة محمد حقيقة ماتحتملش جدال
شهد بها فى علاه الواحد المتعال
ومهما قالوا عليه السفلة والأندال
صورته هتزداد جلال فى قلوبنا وعنينا
****
عظمة محمد جليَّة زى شمس الكون
وكافر اللى يشكِّك فيها أو مجنون
باقية بفضل اللى خـلقه بسـر كن فيكون
برغم تشكيك أو استهزاء أعادينا
****
سبحانه رب العباد زكاه فى قرآنه
ورفع مابين الرسل والأنبياء شانه
ومن وساوس أباليس الوجود صانه
وأرسـله بهَدْيُه يرشدنا ويهدينا
****
سبحانه من أرسله للعالمين كافة
وجعله رمز العطاء والصدق والعفة
بلَّغ رسالته بأمانة وبالعهود وفََّّى
وبكل حب ارتضى الإسلام لنا دينا
فبراير 2008 م
