الى أمي
يا كعبة محبه أو جود
يا نهر الحنان الما تحده حدود
ماشفتي لذيذ النوم
أذكر والليالي شهود
لوليتي أشكثر يا يوم
بنتي أخر العنكود
كل ما جارت الايام
يم كبرج ارد اردود
اكلج يمه يا يمه
يا يمه الدرب مسدود
لا خي الاجاني او شاف
ولا خلي بوصاله يجود
تعالي الروح مرها الكيظ
يا يمه الوكت صيهود
اريد بحضنج اتمدد
من زيجج اشم اورود
اخليلج حضن بوسات
ابدي من الرجل بصعود
أمر أبيدج الطيبه
الكه هناك عطر العود
اشم وارتاح يا يمه
واصعد للعيون السود
واكحل عيوني من دمعج
يا يمه العمر محدود
ما اكطع حبل وصلج
للاخر يظل ممدود
رسمج ما يفاركني
حبج بالكلب مشدود
د. منة حسين
