شكون أنا و شكون انت...

مال لعقل ما بقى يفكر
ؤمال الأمل ما بغى يكبر
ؤمال الإنسان ركبو الإحباط
ؤ مال الذات خوات من الاحساس
القلب مات
ؤ الدماغ وقف
و الحال اصبح من المحال
والمحال شعشع وكبر
والانسان.....آه على الانسان...
 
شكون انا.  ؟
 وشكون انت؟
انا مجرد حلم
حلمات به لقدار
حتى صار وكبر
شكون انا....؟
وشكون انت...؟
انا حلم بان ف ليلة
ضوات فيها الگمرة
والسماء صبحات 
صافيا كيف لماء
يبان  فيها كل مخبي
شكون انا؟
وشكون انت؟
انا أمل  نبع 
من النبع الصافي
وحلف ما يظهر
حتى تصفا السماء
شكون انا؟
وشكون انت؟
انا وانت  رجاء
حلمتو من صغري
طلبتو من صاحب 
الرجا ء
يجعلو يضوي 
ويكبر زهري
شكون انا؟
وشكون انت؟
أنا الأمل و الرجاء 
شكون أنا و شكون أنت 
أنا البدر بان في 
نهار غابت فيه لگمرة
و ضوى لمكان... 
شكون انا وشكون أنت... 
أنا ذاك العرق لمأصل
ما تهزو ريح ولا شتاء 
نابع من عروق صافيا
تحب الخير ؤ تنشر 
المحبة و الحنان
شكون انا وشكون انت 
أنا الانسان.....
حامل رسالة السلام... 

مليكة بوبراهيمي 

22/03/2018