السلام عليكم ورحمة الله وبركاته ..



بسم الله والصلاة والسلام علي رسول الله ، أمّا بعد ..

*للاسف الشديد المعاصي منتشرة بطريقة غير عادية في مجتمعنا ، وللأسف الشديد كتير من الناس ميعرفوش خطر المعاصي دي ..

* من خطر المعاصي : الخسف والمسخ ..! ، واحد يقولي ازاي يعني ، كلنا دلوقتي شايفين الممثلين والمغنيين وبقية الشباب غرقانين فـ المعاصي ومش حصلهم مسخ ولا حاجة ..

اقولك : المسخ نوعان
اولاً : مسخ الوجوه .
ثانياً : مسخ القلوب .

بالنسبة لمسخ الوجوه احياناً بتحصل ،أحد الشباب علم بوفاة احد اصدقاءه وصديقه ده كان مسرف في المعاصي ، فهذا الشاب بيقسم بالله انه كشف الكفن عن وجه صاحبه لقي وشه اتمسخ لـ راس قرد - علي ما اتذكر - .

النوع الثاني مسخ القلوب .. تجد اناس مسخت قلوبهم لقلوب خنازير او كلاب او قردة او حمار .

** تذكر قبل أن تعصي :-
1 - تذكر قبل أن تعصي نعمة ربنا عليك وخاف انها تروح منك .
2 - تذكر قبل أن تعصي ان العقوبة في الدنيا قبل الاخرة الا في حالة التوبة.
3 - تذكر قبل أن تعصي عظمة الله وجلاله سبحانه وتعالي .
4 - تذكر قبل أن تعصي إنك محتاجله ومتقدرش تعيش من غيره .
5 - تذكر قبل أن تعصي ان المعصية بتجيب معصية .
6 - تذكر قبل أن تعصي ان السيئات جارية .
7 - تذكر قبل أن تعصي انت بتضحي بإيه وليه .
8 - تذكر قبل أن تعصي قصة سيدنا يوسف .

** أما آن لك أن تكون من الأولين ..؟!

- أنا مش عايزك تسيب المعصية .. أنا عايزك تكره المعصية !
- عايزك تُقبِل علي الله بجد عشان ربنا يقبلك ويحبك ويتولي أمورك .

- لحد إمتي هتفضل في السكة دي ؟
- لحد إمتي هتفضل مدي ظهرك لـ ربنا ؟
- لحد إمتي هتفضل ماشي في سكة آخرها جهنم ؟
- أخدت ايه من الطريق اللي انت ماشي فيه ؟
- ايه اللي إنت أخدته ومبسوط بيه وعايز منه زيادة ؟
- انت مش اخدت غير تعب علي تعب وأرق علي أرق وبهدلة علي بهدلة !

* هتفضل لحد إمتي مُعرض علي الطريق اللي اول ما تدخل فيه هتلاقي نداء الرحمن :
" أحببتنا فأحببناك ، وعصيتنا فأمهلناك ،وإن عدت إلينا قبلناك " .

منقول