مرة واحد بياع فراخ رايح يبيع الفراخ في بلد تانية فقابله كمين شرطة فسالوه معاك ايه قال"فراخ يا باشا
فساله الضابط بتأكلهم ايه ؟ قال له بأكلهم زبالة قاله الضابط الله ياخدك بتأكلهم زبالة واحنا نأكلهم غرامة100 جنيه مشي الرجل وبعد 100 كيلو قابله كمين فسالوه معاك ايه قال"فراخ فساله الضابط بتأكلهم ايه ؟ قال بأكلهم عيش فينو قاله الفراخ تاكل عيش فينو والناس مش لاقية تاكل غرامة 100 جنيه وبعد فترة راح الراجل السوق يبيع فراخ فقابله كمين شرطة فساله الضابط معاك ايه قال"فراخ يا باشا فقال له بتأكلهم ايه قاله يا سعادة البيه انا بدى لكل فرخة مصروفها وهيا تجيب اللى هيا عايزاه


اتنين هيتعدمواو و فى واحد منهم رخم اوى, فالظابط بيسأل الاول بيقول له نفسك فى ايه قبل ما تموت قال له نفسى اشوف امى,سأل الظابط الراجل الرخم بيقول له نفسك فى ايه قبل ما تموت قال له نفسى ده ميشوفش امه


واحد بلدياتنا كان ماشى في الشارع و حاطط على كتفه تمساح شافه ظابط قاله ايه يا راجل يامجنون امشى وديه جنينه الحيوانات ,, وتانى يوم شافه الظابط تانى ماشى و على كتفه التمساح " قاله يا راجل يا مجنون مش قلت لك وديه جنينه الحيوانات " رد عليه " ما انا وديته امبارح جنينه الحيوانات و النهارده ها وديه السينما


سألوا مصرى ليه الشعب المصرى يحلف كثير؟ قال طب و الله العظيم دى أشاعه قسماَ بالله إفترى على الطلاق بالثلاثه كدابين

مره اتنين مساطيل قاعدين قصاد مرايا فواحد بيقول للتاني ما تيجي نسلم علي الاتنين اللي قاعدين هناك دول وهما رايحين التاني بيقوله اقعد اقعد اهم جايين يسلموا علينا

واحد مسافر هو وابنه وهو فى المحطه لقى يافطه (ممنوع ركوب الاطفال) راح احتار طيب هيودى ابنه فين راح كان معاه شكاره حطه فيها وقاله ميتكلمش خالص وهو فى القطر الراكب اللى جمبه بيقوله (هى الشكاره دى فيها ايه) قاله(فيها رمان) راح الولد نط وقال(هات حته يا أبا)

مرة واحد حرامى طلع على راجل وست فى الطريق وأخد اللى معاهم وبعدين قلهم أناهقتل حد فيكواواسيب التانى فسأل الست انتى اسمك ايه قلتله: سميرة فقلها خلاص انا مش هقتلك لان اسمك على اسم امى فسأل الراجل وقله: وانته اسمك ايه قاله: أنا اسمى سامى بس بيدلعونى يقولولى يا سميرة


واحد يابانى حب يسمع صدى صوتة طلع الجبل وقال بعلو صوتة شنج بنج ماو شونج رد عليه الصدى وقاله ايه ؟ ايه ؟ ايه ؟

اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد ........الراجل قالوه اشمعنى...قاله: اصل انا بطلت شرب


مره واحد مسطول وهو نازل من العربيه لقى الدنيا بتمطر راح نازل من الباب التانى

واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين رد عليه الجرسون: احنا حاربنا الذباب بس هو اللي فاز علينا


مره واحد بيقول لابنه لو نجحت السنةدى هدبحلك خروف
فراح يشوف النتيجه بتاعته ورجع جري
قال لابوه
ابسط يا عم الخروف اتكتبله عمر جديد


قبل أن يسافر الزوج إلى أفريقيا سأل زوجته ماذا تريدين أن أحضر لكي من أفريقيا ؟؟ قالت له قرد صغير
فسافر الزوج وعاد ولما رأى زوجته تذكر القرد وضرب كفاً بكف وقال يا إلهي لقد نسيت أن آتي لك بالقرد من هناك ياحبيبتي
فأجابته الزوجة على الفور بسيطة ياحبيبي وجودك يكفي


مسطول بيعاكس وحده سوده بيقولها بموت فى البيبسي راحت تفت عليه قاله ياها وكمان بتفورى

جورج قرداحي اتصل بشخص ندل وقال له معانا صديقك وصل نصف مليون ريال محتاج مساعدتك قال قل له نايم

خروف بيسأل صاحبه بيقولة فات عيدين وما دبحوك ايش السبب ؟؟
قاله مكتوب بشهادة الميلاد حمار


مره واحد سرق فرخة وراح عند البحر نضفها واكلها اجاه الضابط وقاله انت سرقت الفرخه قاله لا يا باشا قاله الضابط والريش ده؟ قاله دي نزلت تسبح و قالتلي اخلي بالي من الهدوم


مرة مجموعة ستات راحوا رحلة ركبت الحموات في باص وزوجات اولادهن في باص فباص الحموات عمل حادثة و اتقلب ففي واحد ة قعدت تبكي سالوها ليه بتبكي فقالت اصلي نسيت حماتي في البيت
مره واحد بخيل ابوه مات عيط عليه بعين واحده


واحده راحت تشتريي عسل .المهم إشترت العسل وروحت بيه فتحت البرطمان لقيت فيه شعره.رجعت للراجل قالتلو إيه الشعر ده قلها مش عارف يمكن من شعرك يا مدام .. قالتلو فشررر دا أنا قرعه. هههههههههههه

فيه واحدة راحت تخطب لابنها , سألتها العروسة "ابنك بيدخن" ؟ قالت العجوز " والله ما أظن بس يمكن بيعملها لما بيكون سكران

أحول تعين بالجيش حطوه بقسم القصف العشوائي

لولا الهوا ياحبيبي لولا الهوا ياحياتي لولا الهوا ياعمري مانشف الغسيل

مرة واحد نذل كان بيسرق لقى وحدة بردانة فتحلها المكيف

كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبي) عدا البحر وطلع الجبل وقتل الأميرة ..... و أتجوز الغوريلا


مرة واحد مسطول فتح الثلاجة لقي الجيلي بيترعش فقاله ماتخفش انا هاخد الزبادي