هبوط الجنيه المصرى أمام الدولار الأمريكى سببه ببساطه هو

أن المخزون الفيدرالى للذهب فى أمريكا هو أكثر من ٨ مليون كيلوجرام،

فى حين أن مخزون الذهب فى مصر هو فقط ٧٥ ألف كيلوجرام

وده طبعا أساسا لو كانت اتفاقية بريتون وودز ماتعملتش من أساسه



فلما الدولار يكون بـ ٦ جنيه

و مخزون ذهب الأمريكان ٨ مليون كيلو

يبقى بالرجوع للعملية الحسابية العكسية..

هنبقى عالأقل محتاجين مخزوننا من الذهب يوصل لـ مليون و٣٠٠ ألف كيلوجرام

عشان الدولار يرجع يبقى بجنيه واحد

زى أول يوم فى عهد حسنى مبارك سنة ٨١



طب لو إفترضنا إن ثروة حسنى مبارك كما سمعنا إنها من ٤٠ إلى ٧٠ بليون دولار،

خلينا فير ونقول ٥٥ بليون دولار عشان مانظلمش الراجل

يعنى تقريبا كده حوالى ٣٢٠ ألف مليون جنيه مصرى



ولو قلنا إن سعر كيلو الذهب النهارده تقريبا ربع مليون جنيه

يبقى لو عرفنا نرجع ثروة حسنى مبارك

وإشترينا بيها دهب

تجيب لنا بعون الله حوالى مليون وميتين ستة وسبعين ألف كيلو ذهب

عالخمسة وسبعين ألف إللى عندنا

يبقى كده معانا حوالى ٢ مليون كيلوجرام ذهب فى خزنة بنكنا المركزى



تعالى بقى نرجع للمواطن الغلبان

اللى المفروض الثورة قامت لتحسين مستوى معيشته

واللى جاله تخلف عقلى وهو بيسمع الأرقام العجيبة دى



لو الحد الأدنى للأجور ١٠٠٠ جنيه بس؟

وسعر الدولار بقى بجنيه

يبقى أكنك وصلت الحد الأدنى للأجور لـ ٦٠٠٠ جنيه مش ١٢٠٠

والدولار فضل بجنيه واحد فقط



والكمبيوتر اللى كنت بتدفع فيه ٦٠٠٠ و ١٠،٠٠٠ جنيه

هاتقدر تجيبه بألف جنيه بس

عشان تعمل لنفسك أكاونت عالفيس بووك وتنظم وقفات إحتجاجية وتهيص





وكل واحد فينا يدفع فى الشهر ضرايب ٢ جنيه

يعنى ١٦٠ مليون جنيه

يعنى ١٦٠ مليون دولار





يعنى سددت ديون مصر فى أقل من ٦ أشهر



وبعد كده ممكن تبتدى تدى معونة للأمريكان وللإتحاد الأوروبى كل سنة



وعالعموم لو ثروة مبارك ماكفتش

والرقم اللى إتقال ده طلع إشاعة..

أدينا عندنا لسه ثروة أحمد عز وجرانة والمغربى واللستة طويلة



وحبيبنا اللى مقلب التماثيل الفرعونية

لو مش عايز يرجعهم نسيحهم ونحطهم فى البنك المركزى

وأهو كله بوزنه



مش كده ولا إيييييه؟؟؟



بس لو كما إقترح البعض إن ثروة حسنى مبارك ترجع وتتوزع على الـ ٨٠ مليون مصرى

هايبقى نصيب كل واحد فينا ٤٠٠٠ جنيه

يعنى حوالى ٦٥٠ دولار

والشعب هايمبسط لمدة ٤٨ ساعة

المصدر: منتديات نجوم مصريه
mazlom

MaZlOoOoM

  • Currently 0/5 Stars.
  • 1 2 3 4 5
0 تصويتات / 164 مشاهدة
نشرت فى 4 مايو 2012 بواسطة mazlom

ابحث

تسجيل الدخول

عدد زيارات الموقع

498,107

دعاء الزواج

  • اللهم ارزقني بزوجه صالحه ..تقيه ..هنيه ..عاشقه لله ورسوله .. ناجحه في حياتها ... اكون قرة عينها وقلبها وتكون قرة عيني وقلبي ..
  • اللهم يا جامع الناس ليوم لا ريب فيه اجمع بيني وبين زوجه تكون غنيه بدينها واخلاقها ومالها وتهنيني وتسعدني وتفرح قلبي

    Mohamed Mazlom