حـدوته عن جعـران وعـن خنفسـه
اتقابلـوا حبـوا بعض سـاعة مسـا
ولا قال لهـم حـد اختشوا عيب حرام
ولا حـد قـال دى عـلاقـة متدنسـه
عـجبى!!!!
حتـة محـارة وجـدتها فى يوم لقيـة
قـالت لى شـوف كيف الطبيعة شقية ؟
نظـرت للكـهف اللـى فيهـا ولـقيت
إن الطـبيعـة كـمـان … لا أخـلاقية
عـجبى !!
حاسب من الأحـزان وحاسـب لهـا
حاسب علـى رقابيـك مـن حبلهـا
راح تنتهـى ولابــد راح تنتهـى
مـش انتهت أحـزان مـن قبلهـا ؟
عـجبى !!
ثـوار . . ولآخـر مــدى ، ثــــوار ..
مطـرح ما نمشــى ، يفتـح النــوار ،
...ننهـض فى كل صـباح ، بـحلـم جديـد ،
ثـوار ، نعيـدك يا انتصـار ، ونـزيـد ،
وطول مـا إيد شـعب العـرب فـى الإيد ،
الثـورة قايمـه ، والكفـــــاح دوار
و عجبى !!!!!!!!
وبـنـت أم أنـور، بـترقص بـاليــه
بحـيـرة البـجـع،
سـلام يـا جــدع
سـلام ع الايـديـن اللى بتـقـول كـلام،
سـلام ع السيقان اللى مشـدودة زى الوتر،
...سـلام ع القوام اللى مليان دلع مش حرام،
حلال، زى نور القمر
سلام ع الخطاوى اللى بتمر ع الكون تداوى،
سـلام ع الغـناوى،
ســلام ع الـنـسـيـم فـى الـشـجـر
.. وبـنـت أم أنور، بتضرب بساقها الفضا،
وبـتـشـب، وتـلب، وتنط نـطة غضب،
ونــطـة رضـا،
وبتـقـول بلغـوة إيديها: اللى فات انقـضى
.. حقـيقى، مضـى.
كات امك يابنــتى،
فـى أزجـال معلـمـنا بيـرم عليه السلام،
مـاتعرفـش تركب سـوارس تروح الامام،
وتمـشى .. تـقـع
و عجبى !!!!!
ساحة النقاش