عامل نفسك مش شايف
بقلم منصور عبد المنعم
عامل نفسك مش شايف ؛ عامل نفسك مش فاهم
قالو ثورة قولت وانامالي منا عايش وأنت في الاساس مش عايش
قالو كرهنا عيشة العبودية عايزينها حرية قولت يعني ايه حرية
قالو عليك حزب الكنبه قولت يامحله شاي العصرية وانا لابس الجلابية
قالو بلدنا كانت مسروقة وإحنا فيها فئة مكروها
وأنت برضو عامل نفسك مش شايف عامل فيه مش فاهم
قالو كان فيها عبارات للموت وقطارات علي السكه مقلوبه
قالو البلد كانت مسكها عصابه ورئسهم علي سرقته مبارك
قاعد علي كرسيه بيراقب اللي بيطالب بالحرية والعيشه الهنية يرميه جنب أخواته ويعمله قضيه
وعامل نفسه مش شايف الحرمية مع انه شايف ومبارك
كان عجبك فيها ايه عيشة العبودية فلاح ويشقا وفي الاخر مديونية وموظف مش لاقي فلوس لدروس الخصوصية وزميلة من الرشوة راكب عربية
وكل ده وتقولي انك يامواطن مش شايف ولا عامل نفسك مش شايف
خليك قاعد علي كنبتك دي مركب الحرية سابتك خليك مرهون للعبودية وأنت لبس الجلابية واتهني بشاي العصرية .
ساحة النقاش