جارى التحميل
استخدم زر ESC أو رجوع للعودة
من وحي الصوره
افتحوا للنور بيبان
ارفعوا ولموا الستاير
ازرعوا الفكر الجديد
جوا فكر عقيم وباير
الحياه بتجري بسرعه
والزمان علينا داير
القديم فعلا اصيل
في المحاسن والضماير
بس مش نقفل عليه
نحبسه جوا الدواير
نجعله نهج لحياتنا
يحكم في كل المصاير
طوروا الفكر اللي عتق
افتحوا للعلم باب
امسكوا في الاصل لكن
امسكوا طرف الاسباب
للتقدم والحضاره
للمناره وبالشطاره
تبقوا في وسط الخلايق
كالدهب وسط التراب
محمود ناصر
المصدر: نسمة الربيع
(مجلة عشاق الشعر)(1)(ممدوح حنفي)
ساحة النقاش