تفتكر
ـــــــــــــــــــ
كنت بأبعتلك يوماتى
قلبى يطمن عليك
وبعتلك فى يوم حياتى
لجل أبقى وياك شريك
وأتوعدنا وأتعهدنا
فى كلام مكتوب اليك
قولتلى حخلص لحبى
وبحياتى حشتريك
وإنك أصبحت غرامى
والسعاده ليه وليك
والشفايف حكِت غرامك
وعمرى ماكنت ناسيك
وفى خداعك كان مماتى
وما كنتش أشك فيك
واللى شفته وسمعته
واللى بان جوه عنيك
بعد عمر فيه أهاتى
الخيانه من إيديك
تفتكر بعد اللى قولته
نار غرامى حتناديك ؟
كلمات / عماد أبوالنجا
ساحة النقاش