جارى التحميل
استخدم زر ESC أو رجوع للعودة
☆( لما كنت صغير)☆
كنت زمان شغال ف مصنع
ومتبهدل ف شغل الطوب
كل يوم اصحى الفجريه
وعلى الشغل انا مغصوب
وفى مره وأنا على السير
فلتت رجلى وأقوم مقلوب
صاحب الشغل بغرابه يقوللى
حرام عليك كسرت الطوب
بقا معقوله هى دي قمتى
وأنا رابط رأسى ومعصوب
ام عينيك تيجى فى عينيا
ومتخفش عليا وتخاف ع الطوب
يا راجل ملعون أمها شغله
فيها عمرنا ضايع مش محسوب
فين الإنسان وفين قيمته
لما في قلب النار مصلوب
لما بكلمه تهد عزيمته
والقرش مكانه يكون محبوب
وفاكر لما كنت صغير
كنت يا ناس شغال ف الطوب
☆☆☆☆☆☆☆☆☆☆؛
مبروك علوه
(مجلة عشاق الشعر)(1)(ممدوح حنفي)
ساحة النقاش