سؤال
ـــــــــــــــــــ
جوه فى قلبي ليكى
كلمه وكام سؤال
بس جَوبي بصراحه
مش إجابه م الخيال
ملامحنا لسه زي بعض؟
ولى دا حلم باحلمه؟
ولىّ سؤالى ملوش إجابه
وح عيد وأزيد وأكررُه؟
طب ليه بس بشوفِك
ف كُل البشر متجمعين؟
وأكتب ليكِ حروفِك
ويا حروفي المجروحين؟
وليه بخيالى بيكِ
أقرب ونفسي فيكِ
وأشوف حنين عينيكِ
وأجرى قوام عليكِ
واسألك نفس السؤال
ملامحنا لسه زي بعض؟
ولىّ دا حِلم باحلمه؟
أنا ليه شايفُه حقيقه
وبعيش معاكِِ فيه
وروحي تبقى غريقه
من غيرك بس ليه
والحِلم كام دقيقه
وروحي تترد بيه؟
مُمكن لما أجري عليكِ
إنت كمان تجري عليه
وأبوسك من رمش عنيك
وتستنى فى حضنى شويه؟
وباسألك نفس السؤال
ملامحنا لسه زي بعض؟
ولىَّ دا حلم باحلمه؟
وأجابته طِلعت م الخيال
كلمات / عماد أبوالنجا
ساحة النقاش