لقيتها مخطوبة----دصبرى إسماعيل
******
يمين تلاتة البنت دى حلوة
-------------أمّورة يسحر كل مافيها
صوتها وناعم تسمعه غنوة
----------عطر النسيم الحلو حواليها
ماشية بوقارها تفتكر قوة
-----------وأصيلة يشهد كل ماضيها
الحُسن يضوى ع الخدود مادد
----------وجمال بيهتف حتى بعينيها
وقوام باريسى بالأمل واعد
---------------رقتها تسعد كل واديها
قلت لها شارى يلا نتواعد
-----------ونروح لدنيا تسعدى بيها
ونعلّى راية فرح بترفرف
-----------وتكون حياتى سعد تمليها
مدت إيديها لقيتها مخطوبة
------------بحياء وهو أحلى مافيها
حسيت برعشة كأنى فى طوبة
--------ودعيت يارب اوعدنى زييها
ساحة النقاش