جارى التحميل
استخدم زر ESC أو رجوع للعودة
☆( واحشني يابا)☆
وأنا عمري ٦٠يوم
خدك الموت يابا مني
كان نفسى اشوفك شايلني
بين إيديك وفرحان بتغنى
كان نفسى أقول كلمة يابا
واشوفك وانت حاضني
بشوف اي طفل مع أبوه
بتفر دموع العين مني
محدش شالني ف يوم
او حتى سال عنى
لاشفت طيبة خالى
ولا لاقيت حنية عمى
ولا حد قال دا يتيم
ومن لحمي ودمي
ومحدش شال همي
غير حبيبتى الغاليه أمى
وكتب عليا الزمن
إنه يبكيني
وكتب الاحزان
لأيامي وسنينى
دمعة فراقك نازله
ع الخد تكويني
مين غيرك من الدنيا
راح يحمينى
ويبوسنى من جبينى
ويمسح دموع عيني
رحلت من الدنيا
ياغالي وسيبتنا
نشرب مرار الكأس
فيها لوحدنا
لا عم جالنا ف عيد
ولا خال سأل عننا
باعوا أولادك للزمن
ومحدش فكر يودنا
ضاع من قلوبهم حبنا
وهان عليهم دمنا
كافحنا كتير ف الدنيا
وعشنا فيها بجهدنا
الدنيا من غيرك مره
واسودت ف وشنا
صورتك ديما ف بالي
يا ساكن جوا قلبنا
صعب فراقك ياغالى
يا أغلى علينا مننا
☆☆☆☆☆☆☆☆؛
مبروك علوه
(مجلة عشاق الشعر)(1)(ممدوح حنفي)
ساحة النقاش