جارى التحميل
استخدم زر ESC أو رجوع للعودة
(الحدق يفهم)
انا ساحر شيك انا ساحر شيك
قرّب عندي وغمضلي عينيك
حخدك مشاوير واسافر بيك
مانا ساحر شيك انا ساحر شيك
انا لابس شييك عامل قُصه
الدرس انا حافظه بالحصه
تلميذ شاطر ولانيش خيبان
وكلامي واخده من الرصّه
قرب عندي غمضلي عينيك
مانا ساحر شيك انا ساحر شيك
حتشوف الشمس بدون شبابيك
وبحركه حجيبلك بيض م الديك
حتكون مذهول علشان مسطول
وتقوم ترقص من غير مزازيك
قرب عندي غمضلي عينيك
مانا ساحر شيك انا ساحر شيك
انا ساحر شيك جد وحاوي
خاف مني لاني انا مخاوي
عفاريت شياطين دايما قاعدين
يرصفوا في طريق كله بلاوي
قوم اتفضل خطي برجليك
قرب عندي غمضلي عينيك
مانا ساحر شيك انا ساحر شيك
انا ساحر شيك وعصايتي حديد
جيت ع المسرح من غير مواعيد
اللعبه دي لازم اكملها
دا مفيش غيري راح يعملها
بالعافيه راح تبهر معاليك
قرب عندي غمضلي عينيك
انا ساحر شيك انا ساحر شيك
⊙⊙⊙⊙⊙⊙⊙⊙⊙⊙⊙⊙
محمود ناصر
(مجلة عشاق الشعر)(1)(ممدوح حنفي)
ساحة النقاش