اياك تتعلم من الغوله .....الاستاذ اسامه حسنى

اياك تتعلم م الغولة 
الكدب وحنجلة الاولى 
وجدودك هزموا فى حطين 
بإيمانهم وصلاح الدين 
والصدق بيارق للعين
شرفك ياولدى انك صادق 
ولسانك للصدق مرابط 
سيبك م الظيطة وم العايط 
الغولة دى أصلها خيبانة 
مش اصل بلدنا الشقيانة 
ولا اصل جدودنا العرقانة 
بتطلع مركب غرقانة 
بمصيبة تضيع فى شقانا 
وتولع فى الغيط وف زرعه 
لاجل ما ترقع ديبانه 
وديابة بتنبح فى الغابة 
والكدبة بتسحب كام كدبة 
والصورة بتبهت بزيادة 
والليل بيغطش فى ظلامه 
والتوهة بترسم أحلامه 
غلبان من يضحك لشيطانه 
ويسلم راسه لخدامه 
الحق فى عمره ما يتجزأ
والعاصى عقابه فى أوانه 
والكدب مذلة وفضيحة 
ارجع لنبيك قالها لك 
المؤمن عمره ماكداب 
ولا خاين عهده ومرتاب 
والصورة ان كانت بهتانه
فجر الانوار را ح يتعاجب 
على مدد النيل مليون قارب 
مصر الصديقة الشقيانة 
ارض الانبيا والنور ياما 
النيل لصلاتها بيتوضا 
قرآن فى صدور قناديل فضة 
مصابيح وكواكب فى العتمة
شياطين الليل راح تتعارك 
هربانه بتقفز من القارب 
ويعود النيل يروى مآذنة 
الصدق حياة ملو القارب 
أشعار ورباعيات أسامة حسنى