جارى التحميل
استخدم زر ESC أو رجوع للعودة
☆(فلاح وأفتخر)☆
أنا فلاح وافتخر والطبع أصيل
فى طلوع الشمس أنشد وأقول مواويل
أروى عطشى كل صباح بماء النيل
وفى البستان أغازل الورد والياسمين
بين الغيطان مع فاسى بقضى أنا يومى
أشقى واتعب فى أرضى وصابر على همومى
لا بجيب فى سيرة فلان ولا زعلان من علان
الطيبه فى طبعى مزروعه والادب فيا كمان
بكون مبسوط وانا واقف فى وسط زرعتي
أصلى الضهر وأقعد أفرد مسرتى
رغيف عيش مع جبنه قديمه وأكل لقمتى
صابر على كل حاجه وراضى بقسمتى
وكوباية شاى على الراكيه تخلى دماغى تمام
وفى ضل اقرب شجره أتمدد اخد راحتى وانام
بأريح نفسى من التعب وأبعد عن الزحام
الهوا يهفهف عليا وأغرق فى أجمل أحلام
وآخر اليوم اقوم البس جلابيتى
واخد معايا من خير ارضى وعلى بيتى
ف وسط أولادي اتعشى ومعاهم يحلا الكلام
نشرب الشاي ونصلي ونتفرجوا على الافلام
وآخر السهره ادخل علي فراشتي انام
مرتاح البال وسعيد وأبات مع الأحلام
وكل يوم على الحال ده مبسوط وعشتى تمام
ما أحلأها عيشة الفلاح واسمع تعظيم سلام
☆☆☆☆☆☆☆☆☆☆☆☆☆☆؛
مبروك علوه
(مجلة عشاق الشعر)(1)(ممدوح حنفي)
ساحة النقاش