جارى التحميل
استخدم زر ESC أو رجوع للعودة
☆(بحبك يا امى)☆
بحبك يا أمى بحب بجنون
يا ساكنه ف قلبى وجوه الجفون
وصورتك فى بالى وفين ما باكون
ياعايشه فى خيالى يا نور العيون
ف همس الشفايف ف وقت السكون
وف نبض قلبي إللي مليان شجون
دا حضنك حنين ودايما يصون
يا مليانه طيبه وقلبك حنون
شلتينى ف بطنك تسع شهور
ما بين الظلام انا حسيت بنور
وبرغم آلمك حسيتى بسرور
ياورده جميله تفوح بالعطور
بحبك يا أمى يا نبع الحنان
ف حضنك يا غاليه عرفت الأمان
وفى بعدي عنك بكون تعبان
يا بدر الليالي ياشمس الزمان
ياما سهرتى عليا الليالى
وحرمتى نفسك من كل غالى
وبدمع عينك بكيتي عشانى
وفي تعبي تتمنى تبقي مكانى
يا اجمل كلمه نطقها لساني
صدى صوتها بيرن جوه ودانى
بكل اللغات وبأجمل معاني
جمالها منور ذاتي وكيانى
ياضلى وسكنى واغلى الامانى
بحبك يا امى والله وحشانى
☆☆☆☆☆☆☆☆☆☆☆☆؛
مبروك علوه
المصدر: نسمة الربيع
(مجلة عشاق الشعر)(1)(ممدوح حنفي)
ساحة النقاش