مركب ورق ...الاستاذ جمعه يونس

مركب ورق
.......
واحنا صغار
صنعناه من الورق
ف المية خليناه
يلف ويدور
ياخذ احلامنا مننا
يعوم بيها بعيييييد
يسافر مع الاحلام
بلاد كتييييييييير
عمرنا ما شفناها
ولا زرناها
تلف السنين
يجرى بيه الموج
يجرى معاه عمرنا
.تاه مننا
عدى بحار ومحيطات
تاهت خطاوينا مننا
ف سكة الاحلام
شوفنا ناس كتيرياما
عشنا معاها وحبناها
فرقتنا الايام
كل واحد مننا
ف سكته مشى
وساب معانا
شوية ذكريات
مركب ورق
.................
بقلمى // جمعه يونس
من اوراقى القديمة 
المؤرخة ف 26 ابريل 1996