جارى التحميل
استخدم زر ESC أو رجوع للعودة
( تايه)
بخاف م التوهه طول عمري
ودايما حافظ العناوين
ودايما بحسب الخطوه
وعارف اني واقف فين
وفجأه لقيت حساباتي
مقلوووووبه معانداني
وكل م احاول اعدلها
تعيد الكره من تااااني
لقيتني جوا بحر غويط
من غير شط ولا مواني
ضربت بايدي في الموجه
لقيت الموج عمل هوجه
وانا في البحر وحداني
اتاري البحر دا عنيكي
وداني شمال ويمين
لا لاقي مرسى ارسي عليه
ولا عارف طريقي فين
رفعت ايدي انا وسلمت
اني بقيت من التايهين
والتايهين في بحر العين
هما اللي اسمهم عاشقين
(مجلة عشاق الشعر)(1)(ممدوح حنفي)
ساحة النقاش