جارى التحميل
استخدم زر ESC أو رجوع للعودة
لو كل الكلام الحلو فيكي اتقال
حكتب يا امي فيكي مليون موال
ما انتي الحب الخالص عشق يعني الجمال
حب ولا ليه في الدنيا زي حب يا غاليه ولا في الخيال
لو حكتب عن العطاء والاخلاص حضرب بيكي الف مثال
فرحان فرحانه ولو بكيت دمعك من اجلي يا حبيبتي سال
كبير وصغير شايله همي ومهما اتغيرت الاحوال
صبرك يا امي ملوش حدود وكتفك للهموم شيال
تحمل ما فيش كده يضاهي قوة الجبال
ربيتي مش بس ولادك لا وكمان كتير اجيال
جبتي اللي يشرفوا وطنهم وساعة الجد بجد رجال
وجودك يا امي نعمة والجنه برضاكي سهله المنال
شرف ليا انك امي وباسمك بمشي فخور مختال
عشقك يا غاليه في القلب باقي ومهما طال المطال
ربنا يخليكي يا حبيبه ليا وطول في عمرها يا ربنا المتعال
(( مدحت سلام ))
المصدر: ممدوح حنفي
(مجلة عشاق الشعر)(1)(ممدوح حنفي)
ساحة النقاش