جارى التحميل
استخدم زر ESC أو رجوع للعودة
عيد أم بدون أ م
تاريخ وفاتك يا أمى ...فاكره ومش ناسى
لو تعرفى فى غيابك ايه هو احساسى ؟
،دا كل عيد أم بعدك بيبقى يوم قاسى
أجيب هدية لمين، واجرى على حضن مين؟
لما يجور الزمن واعانى أو اقاسى ؟
ماتت ياناس اللى كانت يوماتى تدعى لى
شمعة وغطا، وعطا ... دايما بتدى لى
تنشف لى دموعى ...... وبدالى تبكى لى
وتقول لى وااقول لها ، .. وحشنى ودها
وخلاص لاحاروح لها ،ولا هيه حاتجيلى
انا فى رد الجميل ليه كنت با ستنى
جميلها كان يكبر وانا ردى يتدنى !
يارب ارحمها...واكتب لها الجنة ،
وسامحنى على تقصيرى وريح لى ضميرى
،ولا تحرم حد غيرى (بأمه يتهنى )
وف كل عيد أم ..راضى اللى يتمنى
-________ د. عبدالله منصور
اللهم ارحم كل الامهات المتوفيات....امين
المصدر: ممدوح حنفي
(مجلة عشاق الشعر)(1)(ممدوح حنفي)
ساحة النقاش