جارى التحميل
استخدم زر ESC أو رجوع للعودة
..... شخص بسيط .....
شخص بسيط وفقير الحال
أمله يكون له مكان وعيال
نفسه يحس بطعم الدنيا
ويوم يتهنى
بس إزاى ؟
قولى إزاى بمهية قليلة
ممكن تِحيا وتسكن عِيلة
وإزاى تقوى على الأحوال
قولى يا خال ؟
قولى إزاى قدام أسعار
كل يومين ف غلو ونار
ولآ يوم أذكر جاتنا حكومة
قدرت توقف الإستغلال
كله مطنش أو مش عارف
ينهى نظام موجود ومعشش
أو مصلحته إن شبابها
يفضل بين مخدوع ومحشش
على دا الحال
شخص بسيط على قد الحال
مطحون ديما م الأحوال
حلمى أحس بغد جديد
واروى البطن بلقمة حلال
بس إزاى ؟
قولى إزاى من غير تعليم
دافع نافع كله سليم
ممكن تنتج عقل نضيف
يبقى لبكرا أمل وزعيم
ولا إزاى من غير أخلاق
تعرف توجد أى وفاق
والمستقبل يصبح أجمل
قولى إزاى والجهل مقيم
من أجيال
# كرم شحات #
المصدر: ممدوح حنفي
(مجلة عشاق الشعر)(1)(ممدوح حنفي)
ساحة النقاش