(هو كدا)
سألوني عن اسمي
قولت اللقب مصري
عاشق تراب الارض
صاين العهود والعرض
راكع مصلي الفرض
من فجرها لعصري
سألوني عن وصفي
قولت اللقب فلاح
زارع اراضيها
اموت واراضيها
علي صوت غناويها
يوماتي كل صباح
سألوني عن حلمي
انا قولت حلمي اعيش
اعيش كما الانسان
حر ومنيش متهان
لو ولدي يبقي جعان
الاقيله كسرة عيش
سألوني عن املي
قولت اندفن فيها
انا اصلي عاشقها
عاشق لعاشقها
يللا يا عشاقها
نبني نعّليها
⊙⊙⊙⊙⊙⊙⊙⊙⊙
محمود ناصر
ساحة النقاش