ابنى بيقولى يا خالى .. بقلم / محمد أبوالمعاطى

ابنى بيقولى يا خالى
...........................
ابنى بيقولى يا خالى
مصر بتبنى الجيل الحالى
والله و كان ليه حق
ما المسمار ف نعشى اندق
عايش و بالنسبة ليهم ميت
ما الشيطان كان للنية مبيت
يفرق بينى و بين أولادى
و يغرق و يموت بلادى
إلحقى يا حكومة يا مسكينة
يا اللى انتى عامله مسكينة
و انتى ماسكلنا السكينة
كل يوم بتقتلى فينا
حرام عليكو كفايه
دا انتو أخطر من النفايه
بتقتلونا و تسيبونا عايشين
عشان نموت كل يوم و احنا ماشيين
بتقتلونا و تسيبونا عايشين
لاجل نتفرج عليكم و انتو بتخدوا النياشين
نقوم نتحسر اكتر
يا رب انت الأكبر
ما تبعتونا نعيش مع الميتين
ينوبكو ثواب فينا ليوم الدين
ما تبعتونا نعيش مع الميتين
و لا انتو ناويين تعذبونا ليوم الدين
ابنى بيقولى يا خالى
مصر بتبنى الجيل الحالى
والله و كان ليه حق
و حكومة أمريكا أرق
دى مش زلة لسان
دى زلة إنسان
حب يكوْش على كل حاجة
فى عز ما الناس محتاجة
محمد أبوالمعاطى