مشيت ورجعت واحد تاني ... الشاعر /مدحت سلام

مشيت ورجعت واحد تاني ... غيرتني طبيعة بشر وغيرني زماني 

بدل كتير اماني وغير كل شعور انساني
زماني خلاني ... خلاني عقلاني
غيرني من جوايا ... اتغيرت وللتغير سلمت ... اتغيرت ولا قولت كفايه ... اتغيرت ولا اتكلمت ... عشت في زماني الف حكاية وحكاية ... اتعلمت بعد ما اتالمت
مش بلوم على حد على نفسي بلوم ... انا بشر وما في انسان من الخطأ معصوم
لكن بردو في نفوس ... على بعضها بتدوس ... وعمر العيب ما كان في الزمان ... العباد هي اللي بتسقي بعضها مر الكؤوس
مين فينا متغيرش وعلى ماضي بيتحسر
اتعلم بعد ما تعب اتالم واتكسر
مين فينا مش جواه الف اه لكنه ساكت ولا قادر يفسر
(( مدحت سلام ))