(( النسيان نسينا )) بقلم أ. / مدحت سلام

بتمر علينا ايامنا وليالينا ...

جوانا حاجات فاكرينها زي اسامينا ...

تعبتنا وتعبنا من كتر اللي فينا ...

يا نعمة النسيان نسينا
نسينا كتير ذكريات ...

نسينا ماضي فات ...

نسينا تعبنا من الاهات
اهات مكتومه ...

نفسية مهمومه ...

يا نعمة النسيان نسينا ...

ولا خلاص ارواحنا من النسيان معصومة
معصومة من نسيان الآم وجراح ...

وبتنسينا بس كتير افراح ...

يا نعمة النسيان نسينا ...

واللي راح راح
راح ولا بيرجع تاني ...

ومش مهم مين مجني عليه ومين جاني ...

يا نعمة النسيان نسينا
بجد من اللي جوانا عايشين بنعاني
(( مدحت سلام ))