آشمن صباح؟! ؟! .. الفنانة والزجالة / فاطمة بصور

آشمن صباح؟! ؟! وصباح ولدك ؤوولدي...
فصباح داك التاريخ...دمو ساح؟!
*** حرك معايا لقلم ***
يْلا كُنتي زَجٌالْ
وحساسك بالغمزة يفهم؟!
حرك معايا لقلم...
حرك معايا لقلم
وخلي مدادو
من داك الدم
وخلي حروفو
اتزگي الشوفة تَمْ
وخلي الورقة عزبة
يمكن اتكون كْفٓنٔ
كفن داك وليدي
الًي كان غدا ديالو
غادي يََتًمْ؟!
حيت غير حْلَمْ...؟!
حلم يعيش فزمان جوج فرانك
غا برباعية...،؟!!!
ملي اقرا حتى طاب
وارضى بالويل
واطلى الهم....
وملي دوا بالسكات؟!!
داك وليدي ندم.
وديك لقراية ...
الٌي هي السْبَابْ؟!
ابكااات ... ابكات عليه 
گبل عينيا الدم؟!
حيت وليدي...
فزمان ..شوفتو مگلوبة
غير حلم؟!!..وراه غير حلم؟!
الفنانة والزجالة فاطمة بصور
 مجنونة الحرف والركح...
حيت هداك الي دمو سال تماك؟!!
كان يكون وليدي؟!! ويكون وليدك؟!!