مجلة عشاق الشعر الإلكترونية .. ممدوح حنفي
عشت زماني بين ليلي ونهاري ... ضحكتي على وشي مرسومة بتخبي وتداري ... بتداري حزن كبير بيزود جوايا ناري
مرة بفرح ومرات كنت بعاني ... فرحة وولت ويارتها بتيجي تاني ... ما اللي راح عمره ما بيرجع وكله فاني
وارجع تاني اعاني ... اعاني من نفوس الناس مش منك يا زماني ... اللي عامل فيها اصيل وهو في الاصل براني ... الكل مظلوم ولا في حد جاني
ضحكة بتداري الف دمعة ما اصعبه شعور انساني
يا زمان العبر علمني ووريني ... وريني كمان وكمان فوقني وصحيني ... صحيني على حقيقة ناس لابسين اقنعة كانت بتعميني
تعميني عن خبايا نفوس بتكدرني وتضنيني ... اللي باعني بالرخيص وعامل انه شاريني ... واللي من جواه اتمنى موتي ومن براه يراضيني
وكل واحد فيه اللي مكفيه واللي فيا مكفيني
(( مدحت سلام ))
ساحة النقاش