مجلة عشاق الشعر الإلكترونية .. ممدوح حنفي
***الدُنيا...!!!***
..
الدُنيا دي مُش بتاعتّنا
دا إحنّا عليها يا عَم ضيوف..
ناخد واجبنّا على كيفها
دي ما بتراعيش كدا أي ظروف..
لّو كُنت فاكر هتدوم لك
وقت الفراق إتّفرج شوف..
لّو ناوي يا إبني تلاعيبها
قادره...وورقها ع المكشوف..
..
صاحبك يصاحبك على عيبك
لِحد ما يفلّس جيبك..
في الحُزن مقطوع من شجره
وفي الفَرَّح ...كُلّه حبيبك..
متقولّش ليه..وامتّى ..وإذّاي
ارضى وسلّم بنصيبك..
..
الشمس تطلّع على ناسها
في البرد لأجل تدفّيهم..
لو سلّمت ليك دفاتيرها
إسمك ضروري مهوش فيهم..
أمّا الشتا عَنده معارفه
وقت المطر بيغطّيهم..
..
أمّا النصيب دا كلام مكتوب
فوق الجبين هتشوفه العين..
ونصيبنا باين من يومه
اسود بِخط على الجنبين..
لّو جينا مَرّه نغيّر فيه
نلقاه نَكد مضروب في اتنين..
..
مُش قولّت لك مُش بتاعتنا
وإحنّا جايين فيها غلّطه..
واللي تقولّك بتحبّك
بُكّره الكلام يبقى أونّطه..
حتى دا لّو كانت بقا ليك
دا يومين وتلّقاها ورّطه..
..
الدُنيا..!!!!!!!!
..
#سمير_شومان
ساحة النقاش