مجلة عشاق الشعر الإلكترونية .. ممدوح حنفي
انت الحب فى حد ذاتو
انت الحب و لذاتو
و لو مُر منك هاتو
انت الحب و أهاتو
انت الحب على كل لون
دا الواحد منك بمليون
بحبك و انت بتهاجم
و بحبك و انت واقف جون
انت الحب و أحوالو
أه يا قلبى م اللى جرالو
كل يوم حكاية جديدة
لما خليت أشواقى ع الحديدة
انت الحب و ألوانو
و لكل لون عنوانو
بحبك و انت بالازرق
بحبك بحر و انا بغرق
و الاسوِد عليك جنان
بحبك ف كل الألوان
و ابيض من فوق كمان
فاضلك الاحمر و تبقا أمان
يا حامل علم بلدى
و حامل ابنى و ولدى
دا انت أعز عندى
من فلذة كبدى
يا حبى الخالد و الأبدى
ساحة النقاش