مجلة عشاق الشعر الإلكترونية .. ممدوح حنفي
اضحك كركر دمك سكر
خلي وشك يبقى منور
علي الضحكه كمان عليها
شكلك بايخ و انت مكشر
،،
و الله الضحكه مش بفلوس
ومش حلو ابداً وانت عبوس
حتى الضحكه لو تهديها
تقدر بيها تداوي نفوس
،،
اضحك فرح كل حبايبك
حتى جيرانك ويا قرايبك
ليه تكتمها و تخبيها
قول للهم يا هم انا غالبك
،،
شوف مناخيرك لما بتزعل
او حتى ودانك كيف تتدلدل
حتى عيونك ياختي عليها
تبقى حمرا كده و تزغلل
،،
مهما تعمل هو نصيبك
لازم يبجي كده ويصيبك
اضحك احسن كده عديها
جميل الضحك يحلي عيونك
،،
عمرك يخلص يوم ورا يوم
و انت قاعد كده مهموم
عيش اللحظه اللي انت فيها
اصل العمر دا مش هيدوم
،،
اوعىٰ تقول انك تعبان
او حتى تشكي لعم فلان
سيب الدنيا وسيب بلاويها
خلي قلبك كده فرحان
😆
😃
عاطف حارس نور
ساحة النقاش